Павлодар облысы жергілікті полиция қызметінің басшысы лауазымынан босатылды

ПАВЛОДАР. ҚазАқпарат - Бүгін облыстық мәслихаттың кезектен тыс ХІХ сессиясында Юрий Колесников Павлодар облысы жергілікті полиция қызметінің басшысы қызметінен босатылды, деп хабарлайды рavlodarnews.kz. 

Мұндай ұсынысты облыс әкімі аппаратының жетекшісі Расул Оразғұлов жеткізді. - Құрметті депутаттар, Қазақстан Республикасындағы «Жергілікті мемлекеттік басқару және өзін-өзі басқару туралы» заңының 29-бабы, бірінші тармағы, төртінші тармақшасына сәйкес Юрий Юриевич Колесниковты жергілікті полиция қызметінің басшысы қызметінен босатуды қолдауларыңызды өтінемін, - деді Расул Оразғұлов.

 Депутаттар бұл ұсынысты қолдап дауыс берді.