Павлодар облысында коронавируспен күреске қосымша 540 медицина қызметкері тартылады
ПАВЛОДАР. ҚазАқпарат - Пандемияға байланысты өңірдегі эпидемиологиялық жағдай күрделене түссе, қосымша медицина қызмеркелері мен еріктілер тартылады, деп хабарлайды ҚазАқпарат Рavlodarnews.kz-ке сілтеме жасап.
Бұл туралы облыстық кеңестің отырысында өңірлік денсаулық сақтау басқармасының басшысы Айдар Сейтқазинов мәлім етті.
- Қазіргі таңда 1400-ден астам медицина қызметкері жұмыс істеп жатыр. Оның 300-і дәрігерлер персоналынан, 590-нан астамы - орта, 460-сы - кіші медицина қызметкері. Жағдай ауырлап, күніне 500 науқас түсетін болса, қосымша 4900 орын дайындалады. Бұр ретте кардиологиялық орталық, онкологиялық орталықтағы орындарды сол қалпында қалдырғымыз келеді. Қосымша № 1 қалалық аурухана қалады. Ол жерде ауру қарқынына қарамастан, қала мен облыс тұрғындарына жедел медициналық көмек көрсетіледі, - дейді Айдар Сейтқазинов.
