Павлодар облысында өрт кезінде екі егде адам қаза тапты
ПАВЛОДАР. ҚазАқпарат - Ақсу қаласында өрт ауыздықталғаннан кейін егде жастағы ер адам мен әйелдің денесі табылды, деп хабарлайды «ҚазАқпарат» ХАА тілшісі.
«Ақсу қаласында Б.Момышұлы көшесіндегі жеке үйден өрт шықты. Өрт 08:04-те ауыздықталып, 09:20-да сөндірілді. Өрттің аумағы 80 шаршы метрді құрады. Өрт болған жерден екі адамның денесі табылды: 1930 жылғы ер адам мен 1962 жастағы әйел», - деп мәлімдеді Павлодар облыстық ТЖД өкілдері.
Өртті сөндіруге жеке құрамның сегіз қызметкері мен екі техника, кезекші тергеу-жедел тобының жеті маманы тартылды.
