Павлодар облысында жолда қалған 12 жолаушы құтқарылды
АСТАНА. ҚазАқпарат - Павлодар облысында жолда қалған 12 жолаушы құтқарылды. Бұл жайында ҚР ІІМ Төтенше жағдайлар комитетінің ресми өкілі Нұрсұлтан Нұрахметов айтты, деп хабарлайды ҚазАқпарат тілшісі.
Оның айтуынша, бүгін Павлодар облысының Баянауыл ауданына қарасты Майқайың ауылына жақын жерде, «Қалқаман-Баянауыл-Керней» автожолының 135-ші шақырымында «Мерседес» маркалы жолаушылар автобусы бұзылған. «Павлодар-Баянауылға» қатынайтын автобуста 12 жолаушы болған.
«Павлодар облыстық төтенше жағдайлар департаментінің мамандары оларды сағат 12-00-де құтқарып, Майқайың ауылындағы жылыту пунктіне жеткізді. Жолаушыларға медициналық көмек қажет болған жоқ. Сағат 14-25-те барлық жолаушылар жол-жөнекей көліктермен діттеген жерлеріне аттанып кетті», - деді ресми өкіл.
