Павлодар облысының әкімі Торайғыр көлін тазартуды ұсынды

АСТАНА. ҚазАқпарат - Павлодар облысының әкімі Болат Бақауов Баянауыл ауданына жасаған жұмыс сапары барысында өңір туризмін сынға алды, деп хабарлайды pavlodarnews.kz.

«Жасыбай көліндегі заңсыз бизнеске тосқауыл қойып, тәртіпті күшейту керек. Ластанған Торайғыр көлін тазарту жұмыстарын да бастаған жөн», - деді Б. Бақауов.

Айта кетерлігі, соңғы жылдары Торайғыр көлі 10-12 метрге тартылып, су лайлана бастаған. Өз кезегінде Ұлттық табиғи саябақ өкілдері Торайғыр көлін тазартудың жолдарын ұсынды.

«- Көлді биологиялық жолмен тазартуға болады, мәселен балықтарды көптеп жіберу арқылы. Қыста қар аз жауып, көктемде су аз құйылды, ол аздай бұлақ бастаулары бітелуде, сондықтан да көл ластануда», - деді саябақ өкілдері. Тазарту жұмыстары барысында арнайы қондырғылар пайдаланады.

Облыс әкімі туризмды ұлттық дәстүрлемізді сақтап, әрі дәріптей отырып дамыту керектігін, қонақтарға қымыз сусындарын ұсынып, ат мінгізуді ұсынды.