Павлодар облысының ауруханалары мен емханалары жас дәрігерлерді күтуде
ПАВЛОДАР. Шілденің 2-сі. ҚазАқпарат /Вера Ливинцова/ - Семей мемлекеттік медициналық университетінің Павлодардағы филиалы осымен бесінші рет жас мамандарды білім ұясынан ұшырып отыр,
деп хабарлайды ҚазАқпарат тілшісі.
112 түлек дәрігер дипломдарын алды, олардың 49-ы - хирургияға маманданса, қалғандары - терапевтер мен гинеколог-акушерлер. Филиал директоры Сағит Иманғазинов сөйлеген сөзінде биылғы бітіру кеші оқу орнының мерейтойлық шарасы екенін атап көрсетті.
Жас мамандар филиалда жақсы білім мен білікті тәжірибе алды - олар Павлодардың жетекші дәрігерлермен қатар жұмыс істеп, олардан көп нәрсені үйренді. Науқастарды емдеудің жаңа технологиялары мен аймақ ауруханалары соңғы жылдары қарқынды жабдықталып отырған заманауи импорттық технологияларды игерді.
Биылғы түлектердің бірде-бірі жұмыссыз қалмайды. Облыстың емханаларында білікті мамандар жетіспейді, оған қоса жаңа медициналық мекемелер ашылуда. Президенттік бағдарлама бойынша Ақсуда аурухана салынуда, Павлодардың жаңа ықшамауданында да үлкен емхана бой көтеруде. Дәрігер - Павлодар өңірінде үлкен сұранысқа ие кәсіп.
