Павлодарда әскери ант онлайн режімде қабылданды
ПАВЛОДАР. ҚазАқпарат –Ант беру рәсімі ҚР Ұлттық ұланының 5512 әскери бөлімшесінде өтті, деп хабарлайды ҚазАқпарат pavlodarnews.kz-ке сілтеме жасап.
Бөлімшенің тәрбие және әлеуметтік жұмыс тобының бастығы Аңсар Шәкенов атап өткендей, осы рәсім кезінде 150 жас ұлан Отанға деген адалдығы туралы ант қабылдады.
- Карантинге байланысты ант қабылдауды онлайн-режимде өткізуді шештік, - дейді Аңсар Шәкенов. - Тікелей эфирге Нұр-Сұлтан қаласы, Ақмола, Алматы және Маңғыстау облысы қатысты. Барлығы мыңнан астам жазылушылар: сарбаздардың ата-аналары мен жақындары.
Іс-шара әскери бөлімшенің аумағында өтті.
