Павлодарда бәйгеден ел чемпионаты өтеді
ПАВЛОДАР. ҚазАқпарат - Павлодарда бәйгеден Қазақстан чемпионаты өтеді, деп хабарлайды ҚазАқпарат Pavlodarnews.kz сайтына сілтеме жасап.
«Жарысқа еліміздің әр өңірінен жүйріктер қатысады. Жүлделі болған тұлпарлардың бапкерлеріне ақшалай сыйлықтар беріледі. Сондай-ақ көрермендер арасында тегін ұтыс ойыны ойнатылады. Онда теледидар, телефондар, шаңсорғыш, смарт-сағат, мультиварка, планшет, велосипед және өзге де тұрмыстық техникалар ойнатылады», - делінген Павлодар қалалық денешынықтыру және спорт бөлімінің хабарламасында.
Турнир үш қашықтық бойынша өтеді: 24 шақырымға аламан бәйге, 11 шақырымға құнан бәйге және 17 шақырымға топ бәйге.
Басталуы – 3 қыркүйек, сағат 12.00-де «Құлагер» ипподромында.
Көрермендер үшін кіру тегін.
Фото: pavlodarnews.kz
