Павлодарда екі «Тойота» соқтығысты

ПАВЛОДАР. ҚазАқпарат - Теплов - Павлодардағы Екінші Советов көшелерінің қиылысында жол апаты болды, деп хабарлайды pavlodarnews.kz.

Бұл туралы облыстық ІІД-нің баспасөз қызметі мәлім етті.

«Бүгін таңертең Теплов - Екінші Советов көшелерінің қиылысында Toyota Land Сruiser  және Toyota Gaia көліктері соқтығысты. Жарақаттанған жолаушылардың біріне медициналық көмек көрсетілді. Аталмыш факті бойынша сараптама тағайындалды», - деді департаментте.

Айта кетерлігі, бұл қиылыста осымен үшінші жол-көлік оқиғасы болып отыр.