Павлодарда екі жыл қатарынан бір күнде үшемдер дүниеге келді
АСТАНА. ҚазАқпарат - Павлодар қаласында ақпан айында екі үшем дүниеге келді, деп хабарлайды pavlodarnews.kz . Бұл туралы облыстық денсаулық сақтау басқармасының баспасөз хатшысы Махаббат Мұхамадиева мәлім етті.
«24 ақпан күні 35 жастағы ана екі қыз бен бір ұлды дүниеге әкелді. Салмақтары - екі келіге жуық. Бірақ ешқандай жансақтау шаралары қажет болмады. Қазір олар перзентханада. Сондай-ақ, тағы да бір ана үш баланы дүниеге әкелді», - деді баспасөз хатшысы.
Бір қызығы, осыдан тура бір жыл бұрын 24 ақпанда да Павлодарда үшем дүниеге келген . Облыстық денсаулық сақтау басқармасының мәліметінше, биылғы жылы перзентханада орталықта 800 бала туған. 17 ана егіз баланы дүниеге әкелсе, екеуі үшемнің анасы атанды.
