Павлодарда есік қоңырауынан өрт шығып, жасөспірім ауруханаға түсті
ПАВЛОДАР. ҚазАқпарат - Павлодардағы тоғызқабатты үйлердің бірінде есіктегі қоңыраудан өрт шығып, түтінге уланған жасөспірім қыз ауруханаға жеткізілді, деп хабарлайды «ҚазАқпарат» ХАА тілшісі.
«27 наурыз күні сағат 12:13-те Павлодардағы Бекхожин көшесінде орналасқан бір бөлмелі пәтерден өрт шықты. Тілсіз жау өрт сөндірушілер келгенше сөндірілді. Сағат 14:30-да облыстық ауруханаға 14 жастағы қыз бала жеткізілді, жасөспірім жеңіл түрде иіс тию диагнозымен ауруханаға жатқызылды»,-деп хабарлайды ТЖД баспасөз қызметі.
ТЖД мамандарының айтуынша, өртке электр желілерінің қысқа тұйықталуы себеп болған.
Фото: svopi.ru
