Павлодарда есірткі притоны жойылды

ПАВЛОДАР. ҚазАқпарат – Павлодар облысы полиция департаментінің есірткі қылмысына қарсы іс-қимыл бөлімшесінің жедел қызметкерлері есірткі притонын жойды. Бұл туралы ҚазАқпарат polisia.kz телеграм каналына сілтеме жасап хабарлайды.

Павлодар қаласының 37 жастағы тұрғыны «есірткіні бірлесіп пайдалану үшін нашақорларға өз үйін жүйелі түрде берді» деген күдікке ілінген. Тінту іс-шаралары барысында жедел қызметкерлер шприцтерді, бос құтыларды, күйе іздері бар ыдыстарды, сондай-ақ есірткіні пайдалану үшін қолданатын өзге де заттарды тауып, тәркіледі.

«Аталған дерек бойынша ҚР ҚК-нің 297-бабы 1-бөлігімен сотқа дейінгі тергеу жүргізіліп жатыр. Күдікті Павлодар қаласы ПБ УҰИ-ға қамауға алынды», - деп хабарлады Павлодар облысы ПД ЕҚҚКБ бастығының міндетін атқарушы Арсен Айғазин.