Павлодарда нәрестесін көтерген әйелді қаққан жүргізуші оқиға орнынан ізін суытпақ болды
ПАВЛОДАР. ҚазАқпарат – Баламен бірге егде жастағы әйел де зардап шекті, деп хабарлайды ҚазАқпарат Pavlodarnews.kz сайтына сілтеме жасап.
Бұл туралы өңірлік денсаулық сақтау басқармасынан мәлім етті.
«Төрт айлық нәрестенің миы шайқалып, жабық бас-сүйек миы жарақаттанған. Ол облыстық балалар ауруханасына жеткізілді», - деп нақтылады ведомстводан.
Зардап шеккен 75 жастағы әйелдің кеудесі, жамбас сүйегі жарақаттанған, оң жақ тізесі көгерген. Ол амбулаториядан ем қабылдайды.
Жол-көлік оқиғасының видеосы әлеуметтік желіде жарияланды.
Желі қолданушыларының мәліметінше, Чокин көшесі, 95 мекен-жайында үйдің ауласында бала көтерген адамды көлік қаққан. Жүргізуші ізін суытам деп ауладағы орындыққа соғылған.
