Павлодарда республикалық тас жолдардың бойында шұғыл медициналық бекеттер ашылады

ПАВЛОДАР. KAZINFORM - Мұндай бастама республикалық маңызы бар жолдардың ұзақтығын әрі жол-көлік оқиғалары салдарынан болатын өлімді азайту үшін қолға алынып отыр. Өңірде жол-көлік оқиғалары кезіндегі жазатайым оқиғалардың теріс динамикасы байқалады. Павлодар облысы аумағындағы республикалық маңызы бар жолдар бойында шұғыл медициналық бекеттер ашылады. Бұл туралы Павлодар облысы әкімінің баспасөз қызметінен хабарлады.

Павлодарда республикалық тас жолдардың бойында шұғыл медициналық бекеттер ашылады
Фото: «ҚазАвтоЖол»

- Жылдың алғашқы 10 айында өңірде бала туу, жүрек-қантамыр жүйесі ауруларының, жол-көлік оқиғалары кезіндегі жазатайым оқиғалардың теріс динамикасы байқалады. Облыс әкімі Асайын Байханов денсаулық сақтау басқармасын ғана емес, салауатты өмір салтын қалыптастыру бойынша идеологиялық жұмысты да сынға алды. Анықталған ауруды емдеу емес, оның алдын алу ең жақсы тәжірибе екенін атап өтті. Республикалық маңызы бар жолдардың ұзақтығын ескере отырып, жол-көлік оқиғалары салдарынан болатын өлімді азайту үшін өңір басшысы Ақсу-Курчатов, Тереңкөл-Железин бағытындағы республикалық жолдардың бойында тәулік бойы қосымша шұғыл медициналық қызмет бекеттерін ашуды тапсырды, - деп мәлімдеді әкімдіктің баспасөз қызметінен.

Еске сала кетейік, бұған дейін Ертіс-Баян өңіріндегі ақылы жолдардың қысқа дайындығында кемшіліктер бар екенін жазғанбыз. 

Соңғы жаңалықтар