Павлодарда жеңіл көлік жаяу жүргіншілер жолында екі жасөспірімді қағып кетті
ПАВЛОДАР. ҚазАқпарат – Павлодарда жеңіл көлік жаяу жүргіншілер жолында екі жасөспірімді қағып кетті. Жарақат алған екі адам ауруханаға жеткізілді, деп хабарлайды ҚазАқпарат тілшісі.
«26 қазанда сағат 18.35-те «Volkswagen Passat» автокөлігінің 36 жастағы жүргізушісі Павлодар қаласында Павлов көшесіндегі 67-үйге қарама-қарсы реттелмеген жаяу жүргіншілер өткелі бойынша жүріс бөлігін кесіп өткен екі жаяу жүргіншіні қағып кетті. Жол-көлік оқиғасы салдарынан кәмелетке толмаған жасөспірімдер жарақат алып, ауруханаға жеткізілді», - деп хабарлады Павлодар облысы полиция департаментінің баспасөз қызметі.
«Көлік айыппұл тұрағына жіберілді, тексеру жүргізілуде» деп атап өтті полициядан.
