Павлодарда зират өртенді
АСТАНА. ҚазАқпарат - Павлодарда Пахомовское зиратынан өрт шықты. Бұл туралы облыстық ТЖД баспасөз қызметі мәлім етті, деп хабарлайды pavlodarnews.kz
«Зираттың аумағындағы 1500 шаршы метр құрғақ шөп жанып кеткен. Тілсіз жау сағат 13.25-те ауыздықталып, сағат 14.01-де толығымен сөндірілген. Зират «Милосердие» қорына тиесілі. Зардап шеккендер жоқ. Шығын келтірілмеген», - деді департаментте.
Алдын ала болжам бойынша, өрттің шығуына отты абайсыз қолдану себеп болған. Тілсіз жауды ауыздықтауға № 34 өрт сөндіру бөлімінің жеке құрамынан үш техника мен тоғыз адам жұмылдырылған.
