Павлодардан Кемеровоға автобус қатынайтын болды
ПАВЛОДАР. ҚазАқпарат - Павлодар мен Кемерово арасындағы автобус қатынасының наурыз-сәуір айларындағы кестесі жарияланды, деп хабарлайды ҚазАқпарат тілшісі.
Жаңа автобус қатынасының жолға қойылғаны туралы алғаш «Кузбасспассажиравтотранс» кәсіпорнына сілтеме жасай отырып Қазақстанның Ресейдегі елшілігі мәлімдеген.
Елшіліктің ақпаратына сүйенсек, наурызда 4 рейс, сәуір айында тағы бес рейс жүруі тиіс.
«Кемерово автовокзалынан рейстер 12:05-те, ал Қазақстаннан 14:30-да жолға шығады. Ересектер үшін билеттің бағасы 2260 рубль, балалардың билеті 1130 рубль етіп белгіленді. Жолға кететін уақыт - 15 сағат. Бұрын Павлодарға автобус тек Новосібірден ғана жүретін», - делінген хабарламада.
Авторы: Антон Гагарин
