Павлодардың еңбек рыногында жұмыссыздық көрсеткіші 0,6 пайызды құрап отыр
ПАВЛОДАР. Қаңтардың 13-і. ҚазАқпарат /Вера Ливинцова/ - Павлодарда тұрақты еңбек рыногындағы жұмыссыздық көрсеткіші өткен жылы 0,6 пайызды құрап, 2007 жылғы көрсеткішпен салыстырғанда, 0,3 пайызға азайды,
деп хабарлайды ҚазАқпарат тілшісі. Өткен жылы 5 778 адам еңбекпен қамту қызметтерінен көмек сұрай келген және олардың 3366-сына жұмыс тауып берілген. Қаладағы 121 кәсіпорында 1515 адам үшін қоғамдық жұмыстар ұйымдастырылса, лицейлер мен институттардың 122 түлегі 49 өндіріс орындары мен ұйымдарда машықтану мүмкіндігіне ие болған. Сондай-ақ, 500-дей жұмыссыз 26 мамандық бойынша кәсіби дайындықтан өтуге және біліктіліктерін жетілдіруге жіберілді. Былтыр экономиканың барлық саласында 1607 жаңа жұмыс орны құрылды, оның 888-і ? өнеркәсіп саласының үлесі.
