Павлодарлық әйел әлеуметтік желідегі сөзі үшін қомақты айыппұл төледі
АСТАНА. KAZINFORM — Павлодарда полиция қызметкерлері әлеуметтік желілерге жүргізілген мониторинг барысында өз парақшасында балағат сөздер айтқан әйелдің аккаунтын анықтады.
Полицейлер оның жеке басын жедел анықтады. Ол Алматы қаласының тұрғыны, 41 жастағы Шынар Акаева болып шықты.
— Әлеуметтік желіде ұсақ бұзақылық жасағаны үшін құқық бұзушы әкімшілік жауапкершілікке тартылды. Сот шешімімен оған 86 500 теңге айыппұл салынды, — дейді тәртіп сақшылары.
Полиция заңға қайшы контентті, оның ішінде әлеуметтік желілерде және тікелей эфирлер кезінде жариялау міндетті түрде жауапкершілікке әкеп соғатынын еске салады.
Бұған дейін Алматыда TikTok-та балағат сөздер айтқан екі бойжеткен 5 тәулікке қамалғанын жазған едік.
