Павлодарлық дизайнердің ұлттық киім үлгілері Нью-Йоркте көрсетіледі
АСТАНА. ҚазАқпарат - Павлодарда өткен «Ұлы дала елі» фестивалінде бес ғасыр бұрын қазақтардың қалай киінгендігі көрсетілді. Барлық костюмдерді танымал дизайнер JADO дайындаған, деп хабарлайды «КазАқпарат» ХАА pavlodarnews.kz. сайтына сілтеме жасап. Ертіс бойы тұрғындары топтаманы бірінші болып тамашалады. Фестиваль аяқталысымен Жадыра Сахиева Нью-Йорктегі сән кешіне аттанбақ.
«Өз топтамамды «Ұлы дала елі» фестивалінде ұсынып отырғаныма ризамын. Алдымен оны павлодарлықтар көретін болады, кейін ол Америкаға аттанады. Соған дейін ақсақалдарымыздың батасын алғымыз келді. Меніңше, этнофестиваль - соған нағыз лайықты орын»,- деді дизайнер.
JADO өзінің тарихи костюмдері қазіргі бойжеткендерді қызықтыратынына сенімді. «Біз басты назарға түстер мен маталар алынған тарихи костюмдерді алып келдік. Әрине, біз күміс пен ішікті естен шығармадық. Қазақтар әрқашан оларды ұнататын,- деп атап өтті дизайнер. - Біз көп костюмдер алып келдік: дефилеге 50 «жебе» және мұражайға 25 костюм. Осы жұмысымызбен қазіргі заманғы жастар да ата-бабаларымыз киген киімдерді кие алатындарын көрсетпек болдық. Бұл әдемі әрі қызықты».
