Пеле үшінші рет үйленбек
АСТАНА. ҚазАқпарат - Футболдан үш дүркін әлем чемпионы үшінші рет ресми некеге отырмақ болып шешті. 73 жасар бразилиялықтың жары - 2010 жылдан бастап кездесіп жүрген құрбысы жапондық Марсия Сибеле Аоки болады.
Бразилиялықтың болашақ жары өзінен 25 жас кіші. Рәсімнің нақты күні әзірге белгісіз. Той өткен соң бақытты жұп Сан-Паулуға баруды жоспарлаған. Пеленің бұрынғы некелерінен бес баласы бар.
