Петер Мадьяр Мажарстанның жаңа премьер-министрі болды
АСТАНА. KAZINFORM - Петер Мадьяр Венгрияның премьер-министрі қызметіне ресми түрде кірісті. Оның кандидатурасын парламент депутаттары қолдады, деп хабарлайды BBC.
Дауыс беру кезінде оны 140 депутат қолдады. 54 парламентарий қарсы шықса, бір депутат қалыс қалды.
Ант беру рәсімі ел парламентінде өтті. Бұл — «Тиса» партиясының парламент сайлауындағы сенімді жеңісінен кейінгі алғашқы саяси қадамдардың бірі.
Жаңа партия сайлауда 199 мандаттың 141-ін иеленді. «Тиса» партиясы небәрі екі жыл бұрын құрылған.
Осылайша Мажарстанда Виктор Орбан басқарған 16 жылдық саяси кезең аяқталды.
Қызметіне кіріскеннен кейін Петер Мадьяр:
-Мен Венгрияны билемеймін, еліме қызмет етемін, — деді.
Ол премьер-министр қызметінде Виктор Орбанның орнын басты.
Орбан осы уақытқа дейін «Фидес — Венгрия азаматтық одағы» партиясымен бірге елді 16 жыл басқарған еді.
Осыған дейін Мажарстанда билік ауысуы мүмкін екені туралы жаздық.
