Петропалдағы өрт кезінде 220 адам эвакуацияланды

АСТАНА. KAZINFORM – Петропавлда көп қабатты тұрғын үйдегі өрт кезінде құтқарушылар 220 адамды эвакуациялады, деп хабарлайды ҚР Төтенше жағдайлар министрлігінің баспасөз қызметі.

Баспасөз қызметінің мәліметтеріне қарағанда, Петропавл қаласы Парковая көшесінің бойында тоғыз қабатты тұрғын үйдің сегізінші қабатында үй заттары мен жиһаз жанған.

«Төтенше жағдайлар министрлігінің күштері баспалдақ арқылы 3 адамды құтқарып, 217 адамды, оның ішінде 21 баланы эвакуациялады. Өрт толығымен сөндірілді, өрттің себебі анықталуда»,-делінген хбарламада.

Айта кетейік, осыған дейін ҚР Төтенше жағдайлар министрлігі баспасөз қызметі үйде өрт шыққан жағдайда не істеу керегін түсіндірген болатын.