Петропавлда бір ұйымның екі ғимараты өртенді
ПЕТРОПАВЛ. ҚазАқпарат - Петропавлда бір компанияның екі нысанынан өрт шықты, деп хабарлайды ҚазАқпарат тілшісі.
Төтенше жағдайлар департаменті баспасөз қызметінің ақпараты бойынша, кешкісін бройлерлік фабрика цехтарының бірінің шатыры өртенген.
Өртті 23:44-те ауыздықтап, келесі тәулікте 00:25-те толықтай сөндірген.
Цехтың шатыры мен нысанның бірнеше қосалқы үй-жайындағы мүліктер зақымданған.
Өрт сөндірушілер 36 тонна өнім сақталып тұрған қойма өртінің алдын алды. 2 салқындатқыш қондырғы мен компрессорды құтқарған.
«Келесі күні қаланың басқа бөлігінде орналасқан осы заңды тұлғаға тиесілі құс күркесі жанып кеткен. Өрт сөндіруге жеке құрамның 18 адамы мен 7 арнайы техника тартылды. Өрт шатырдың 20 шаршы метр ағаш торын ғана зақымдаған», - деді баспасөз қызметі.
Өрттің шығу себебі мен залалы анықталып жатыр.
