Петропавлда жаңа жылдың алғашқы үш күнінде 33 нәресте дүниеге келді

Орталықтың бас дәрігері Жанна Мауытованың айтуынша, жаңа жылдың алғашқы күні 10 бала - төрт ұл бала мен алты қыз бала дүниеге келсе, қаңтардың 2-сінде де 10 бала туылды, оның бесеуі - ұл, бесеуі - қыз. Ал қаңтардың 3-і күні төрт ұл бала, тоғыз қыз бала туды. Жаңа жылда дүние есігін бірінші болып ұл бала - Данилл Семке ашты.

Бас дәрігердің айтуынша, жылды ұл баланың бастауы - жақсы ырым. «Бұл биылғы жыл біз үшін күшті болады деген сөз. Оның үстіне, акушерлердің өз ырымы бар - егер жаңа жылда бірінші болып ұл бала туса, жұмыс көп болады деген сөз, ал біз үшін бұл бала көп туылады деген сөз», дейді Жанна Мауытова ханым.