Петропавлда жаңажылдық шырша жағылды
Мерекелік іс-шараға өңір басшысы Ерік Сұлтанов қатысты. Мереке басталмас бұрын сайқымазақтар, жаршылар мен жыршылар Петропавл тұрғындары мен қонақтарының көңілін көтерді. Қаланың орталық алаңында флэшмоб өтті. Алаңға «жұлдызнама күнтізбесінің» кейіпкерлерімен бірге Аяз ата мен Қарша қыз шықты. Ертегі кейіпкерлері солтүстікқазақстандықтарды жаңажыл қарсаңындағы алғашқы оқиға - шыршаның жағылуымен құттықтады. Қала тұрғындары мен қонақтарын қарсы алғасын, облыс әкімі Ерік Сұлтанов бірінші балаларға арнап сөз сөйледі.
«Сендер - еліміздің болашағысыңдар. Президент Нұрсұлтан Әбішұлы Назарбаев сендерден зор үміт күтеді. Ата-аналарыңның бастамаларын ары қарай жалғастырып, еліміздің жетістіктерін еселету сендердің қолдарыңда. Барлықтарың Қазақстанның лайықты азаматы болып, Отанымыздың жарқын болашағы үшін оқуларың керек!» - деп атап өтті СҚО әкімі.
Өңір басшысы барлықтарына мықты денсаулық, отбасылық бақыт, бейбітшілік пен табыс тіледі.
