Пирц-Мусар сапарымның басты мақсаты – экономикалық байланысты нығайту

АСТАНА. KAZINFORM – Словения мен Қазақстан орнықты даму мен серіктестік қағидаттарын қолдайды. Бұл туралы Ақордада Мемлекет басшысы Қасым-Жомарт Тоқаевпен келіссөздерден кейінгі БАҚ өкілдеріне арналған бірлескен мәлімдеме барысында Словения Президенті Наташа Пирц-Мусар атты.

– Бүгінгі кездесулер, жалпы бұл сапар Словения мен Қазақстан арасындағы қарым-қатынастың жаңа парағын ашады деп ойлаймын. Екі ел де өзара түсіністік пен құрметке негізделген халықаралық құқық, орнықты даму мен серіктестік қағидаттарын қолдайды. Мен бұған ризамын. Келешекте де осы бағытта жұмыс істей беретінімізге сенімдімін, – деді Словения Президенті.

Сонымен қатар Наташа Пирц-Мусар Словенияның БҰҰ Қауіпсіздік кеңесінің тұрақты емес мүшесі ретіндегі жұмысына қолдау білдіріп келе жатқан Қазақстан тарапына ризашылығын білдірді.

- Еуропалық одақ Қазақстанның сауда және экономикалық серіктесі. Шындығында Қазақстанның Еуропалық одақпен қарым-қатынасы қарқынды дамып келе жатыр. ЕО үшін де, Словения үшін де Қазақстан Орталық Азиядағы маңызды сауда-саттық серіктесі. Биыл елдеріміз арасынағы сауда көлемі 160 млн доллардан асады деп күтеміз. Дегенмен, бұл көлемді одан ары арттыра түсуге әлеуметіміз жеткілікті. Сапарымның басты мақсаты – елдеріміз арасындағы экономикалық байланысты нығайту, - деді ол.

Бұған дейін Мемлекет басшысы Қазақстан-Словения бизнес кеңесін құруды ұсынған еді.