Польша үкіметі отставкаға кетті

АСТАНА. ҚазАқпарат - Польшаның премьер-министрі Ева Копач бастаған үкімет құрамы отставкаға кетті, деп хабарлайды TVN24 телеарнасы.

Аталған шешім премьердің «Азаматтық тұғырнама» партиясының 25 қазанда өткен парламенттік сайлауда жеңілуінен кейін қабылданды.

Бұған дейін Польша парламентінде мандаттардың ең көп санын Ярослав Качиньскийдің «Заң және әділдік» партиясы алғаны хабарланған. Бұл туралы сайлаудың ресми қорытындылары куәландырады. Партия 37,6 пайыз дауысқа ие болды, бұл парламенттегі 235 орынға құқық береді.