Польшадағы авиашоуда ұшақтың өзенге құлаған сәтінің видеосы жарияланды
НҰР-СҰЛТАН. ҚазАқпарат - Спорттық жаттығуға арналған Як-52 ұшағы 15 маусымда Польшаның Плоцк қаласындағы авиациялық шоу кезінде апатқа ұшырап, ұшқыш қаза тапты, деп хабарлайды Polska Times.
Басылымның жазуынша, әуе кемесі жоғары пилотаж фигурасы - «штопорды» сәтті орындап, одан кейін акробатикалық трюктерге көшкен. Тап осы кезде Як-52 күрт төмен қарай құлдилаған. Штурвалда Германияның тәжірибелі ұшқышы болған. Бірақ ол ұшақты қайта жоғары бұрып кете алмады.
