Полиция белгілі журналистің көлігін өртеп жіберді деген күдіктіні ұстады

АСТАНА. ҚазАқпарат - Полиция белгілі журналистің көлігін өртеп жіберді деген күдіктіні ұстады, деп хабарлайды ҚазАқпарат Polisia.kz сайтына сілтеме жасап.

Атырау облысының криминалдық полиция қызметкерлері журналистің көлігін өртеп жіберді деген күдіктіні анықтап, ұстады.

«Қазіргі уақытта бұл факт бойынша тергеу жалғасуда»,-делінген хабарламада.

Осыған дейін Атырауда журналист Виктор Сутягиннің көлігін белгісіз біреу өртеп жібергенін жазған болатынбыз.