Полиция түрмеден қашқан аса қауіпті қылмыскерлердің төртеуін ұстады, үшеуі - бостандықта
АСТАНА. 25 қараша. ҚазАқпарат - Албанияда төрт қылмыскер ұсталды. Олар Корча қаласының ауданында түрме бақылаушыларын кепілдікке алып, кейіннен қашып кеткен.
Полиция тағы үш қылмыскерді іздестіріп жатыр.
Бұл оқиға сенбі күні болған. Оқ атқыш қарумен қорқытқан жеті қылмыскер бақылаушыларды кепілдікте ұстап, артынша іздерін суытқан. Қашқындардың бәрі - аса қауіпті қылмыскерлер. Олардың төртеуі өмір бойы түрмеде отыру жазасын өтеп жатқандар. Ал үшеуі 12-ден 25 жылға кесілгендер.
Елдің ІІМ хабарлағандай, түрме директоры жұмыстан босатылды, 21 бақылаушы ұсталды.
