Порошенко: малайзиялық Boeing апатқа ұшырауы - лаңкестік акті
АСТАНА. ҚазАқпарат - Украина Президенті Петр Порошенко Донецк маңында малайзиялық Boeing 777 апатқа ұшырауын лаңкестік акті деп санайды, деп мәлімдеді украиндық көшбасшының баспасөз хатшысы Святослав Цеголко. Бұл туралы Би-би-си хабарлады.
«Порошенко атып түсірілген ұшақ туралы: бұл оқиға, апат емес, лаңкестік акт», - деп жазды Цеголко Twitter-де.
Хабарланғандай, апатқа ұшыраған авиалайнердің бортында 280 жолаушы және экипаждың 15 мүшесі болған. Ұшақ Амстердамнан Куала-Лумпурға қатынап тұрған.
Украин билігі мен сепаратистер ұшақ атып түсірілген деп, бірін-бірі айыптауда.
