Португалиядағы Әлем чемпионатында қазақстандық волейболшылар ерлер арасында да, қыздар арасында да 25-ші орын алды

АЛМАТЫ. 13 шілде. ҚазАқпарат - Португалияның Порту қаласында 19 жасқа дейінгі жастар арасында өтіп жатқан Әлем чемпионатын қазақстандық жағажай волейболшылары ерте аяқтады.

Онда негізгі турнирдің топтық сындарында Виктор Пестов пен Кирилл Гурин, Анна Елеференко мен Екатерина Ласюта 4-ші орын алып, 25-ші орынды қанағат тұтты. Виктор мен Кирилл - Никарагуа, Италия, Австрия, ал Анна мен Екатерина - Италия, Ресей, Португалия спортшыларына ұтылды.

Екатерина былтыр Кипрде өткен Әлем чемпионатында да өнер көрсеткен еді. Онда Александра Варасовамен жұп құраған Е.Ласюта 1/16 финалда жеңіліп, 17-ші орынға табан тіреген болатын. Биыл бұл көрсеткішін біршама төмендетіп алды.