Пойыз билеттерін сату ережелері өзгерді

АСТАНА. KAZINFORM — Көлік министрінің 2025 жылғы 11 сәуірдегі бұйрығымен теміржол көлігімен жолаушыларды, багажды, жүк және пошта жөнелтілімдерін тасымалдау қағидаларына өзгерістер енгізілді. Бұйрық биыл 22 сәуірден бастап күшіне енеді. 

Пойыздарға билет сату мерзімдері:

Жолаушылар пойыздарына — пойыз жөнелтілгенге дейін кемінде 45 тәуліктен 10 минутқа дейін (бұрын 45 тәуліктен 1 тәулікке дейін еді). Ұйымдасқан жолаушылар тобына өтініштер бұл тәртіпке кірмейді;

Қала маңы пойыздарына — жөнелтілуге дейін 10 тәуліктен 10 минутқа дейін (бұрын 10 тәуліктен 1 тәулікке дейін еді).

Билеттерді сату жолаушылар пойыздарына жөнелтілуден 45 тәулік бұрын Астана қаласының уақыты бойынша сағат 07:00–ден бастап жүргізіледі.

Мүгедектігі бар адамдарға арналған арнайы купелерге билеттерді сату тәртібі:

Билеттерді сату ашылған сәттен бастап арнайы купеге келесі санаттағы адамдарға және олардың алып жүрушілеріне тек билет кассаларында ресімделеді:

жүріп-тұруы қиын, көмекші құралдарды пайдаланатын (таяқ, балдақ, мүгедек арбасы және т. б.) I топтағы мүгедектігі бар адамға;

мүгедек балаға (18 жасқа дейін);

медициналық ұйымға (немесе одан) жедел сапармен бара жатқан адамға.

Пойыздың жөнелтілуіне 7 тәулік қалғанда билеттер келесі адамдарға ресімделеді:

мүгедектігі бар адам мен мүгедек балаға — мүгедектік мәртебесін растайтын құжаттарды ұсынған жағдайда;

медициналық ұйымға жедел сапармен бара жатқан адамға — медициналық мекеменің сапардың қажеттілігін растайтын құжатымен;

алып жүруші адамға — жолаушының құжаттарын ұсынған жағдайда.

Бір купеде 4 орынға дейін билет сатып алуға болады.

Билет ресімдеу тәсілдері:

автоматтандырылған басқару жүйесінде (АСУ);

фискалдандырылған компьютерлік жүйеде;

диспетчерлік терминал (ДТМ), өзін-өзі қызмет көрсету терминалдары арқылы;

интернет-ресурстар мен жолаушылар пойызындағы жолсерік арқылы;

жолаушының бір құжаты негізінде электрондық жол жүру құжатын беру арқылы.

Қала маңы пойыздарына билет сатып алғанда келесі деректер көрсетілуі тиіс:

тегi, аты, әкесінің аты (бар болса);

ЖСН;

жолаушы құжаттарының бірінің нөмірі.

Билет сатып алу үшін жарамды құжаттар:

ҚР азаматының паспорты немесе жеке куәлігі;

ҚР аумағындағы шетелдіктердің тұруға рұқсаты;

азаматтығы жоқ адамның куәлігі;

босқын куәлігі;

ҚР дипломатиялық немесе қызметтік паспорты;

теңізшінің жеке куәлігі;

шетелдік паспорт;

қайтару куәлігі (егер басқа елдің азаматы ҚР аумағында құжат жоғалтқан жағдайда);

туу туралы куәлік (16 жасқа дейінгі балаларға);

әскерилер үшін әскери билет.

Бұрын қолданылған уақытша жеке куәлік негізінде билет сатып алу мүмкіндігі алынып тасталды.

Жеңілдікпен немесе тегін билет алу үшін — жеңілдік құқығын растайтын құжат ұсынылуы қажет.

Жеңілдіктер мөлшері:

әлеуметтік маңызы бар бағыттарда — жол жүру құнының 50%;

коммерциялық бағыттарда — тасымалдаушының қалауы бойынша.

Барлық мүгедектік топтары мен мүгедек балаларға (18 жасқа дейін);

I, II топтағы мүгедектер мен мүгедек балаларды алып жүретін адамдарға.

Алып жүрушіге билет тек келесі шартпен беріледі:

жеңілдікпен билет тек бір вагонға және бір бағытқа ресімделген кезде;

мүгедек адамға жеңілдікпен билет ресімделгенде бір уақытта ғана;

егер мүгедек адамның билеті қайтарылса, бірге ресімделген жеңілдікпен билет те қайтарылады;

алайда алып жүрушінің билетін жеке қайтаруға жол беріледі.

Жаңа норма:

егер мүгедектігі бар жолаушы сапардан бас тартса, алып жүруші адамға отырғызуға рұқсат берілмейді.

Ұйымдасқан жолаушылар топтарына қатысты:

топтан (балалардан) жазбаша өтініш кемінде 45 тәулік және жөнелтілуден 3 тәуліктен кешіктірмей берілуі керек;

қолма-қол емес төлеммен — 6 тәуліктен кешіктірмей;

егер өтініш 6 тәуліктен аз уақыт ішінде берілсе — төлем тек қолма-қол, 1 тәулік ішінде, бірақ 3 тәуліктен кеш емес.

Қала маңы пойыздарында қол жүгін тасымалдау:

(жоғары жайлылықтағы электропойыздардан басқа) жүк ретінде: балалар арбасы, моторсыз бөлшектелген велосипед, өсімдіктер мен көшеттер (биіктігі 180 см-ден аспауы тиіс).

Жүк ретінде тасымалданатын бөлінбейтін заттар:

салмағы 500 кг дейін (газ плитасы, тоңазытқыш, паллет, жабдықтар, қозғалтқыштар, станоктар), жүк ауыстырмай.

Жүк тасымалдау бағасын тасымалдаушы белгілейді.

Билет құнын толық қайтару жағдайлары:

пойыздың рейсі билеттің өзінде көрсетілген пойызға тоқтатылған болса;

пойыз 1 сағаттан артық кешіксе;

билеттегі орын берілмеген жағдайда (жолаушы басқа орыннан бас тартқан жағдайда).

Темір жолдың кінәсінен келісілген пойыз кешіксе:

жол жүру құны мен барлық алым толық қайтарылады;

қайтару операциясы үшін комиссия ұсталмайды.

Жолаушылар пойызы кешіккені үшін айыппұл:

билет құнының 3%-ы әрбір кешігу сағатына, бірақ билет құнынан аспайды;

вокзал қызметкерлері толтыратын акт мен жолаушының өтініші негізінде төленеді;

өтініш беру мерзімі — 6 ай.

Балалармен сапар шегу ережелері:

7 жасқа дейінгі бір бала — тегін, егер жеке орын алмайтын болса;

орын қажет болса — жеңілдікпен билет сатып алынады;

егер 7 жасқа дейінгі балалар саны бірден көп болса — қалған балаларға жеңілдікпен билет сатып алынады;

7–15 жас аралығындағы балалар — 50% жеңілдікпен;

15 жастан жоғары — ересек билет;

баланың жасы сапар басталар күнге байланысты анықталады;

жасы расталатын құжат міндетті түрде көрсетілуі тиіс.

Кәмелетке толмаған баланы алып жүретін ересек адам:

заңды өкілі болмаса — нотариалды расталған сенімхат ұсынуы қажет (қағаз немесе цифрлық түрде);

сенімхатсыз бала пойызға отырғызылмайды;

егер заңды өкілі пойызда бірге болса — сенімхат қажет емес.

15 жастан асқан балалар ересек адамның қарауынсыз жүре алады:

нотариалды расталған жазбаша келісімімен, (қағаз немесе цифрлық нұсқада).

Таяуда елімізде пойыз билетін кімдер жеңілдікпен сатып ала алатыны туралы жазған едік.