Пойыз жабайы пілдерді қағып кетті
АСТАНА. 2 қаңтар. ҚазАқпарат - Үндістанда жолаушылар пойызы орманды алқапта темір жолдан өтіп бара жатқан пілдерді қағып кетті.
Адамдар зардап шеккен жоқ, бес піл өлді. Бұл оқиға елдің шығысындағы Орисса штатында орын алды. Темір жол саласы басшыларының айтуынша, жабайы пілдер Рамбха орманы аумағында, Бхубанешвар қаласынан шамамен 180 шақырымдай жерде жолды кесіп өтпек болған.
