Премьер-Министр «Болашақ» ұстанымы бойынша оқытушылардың біліктілігін арттыруға арнайы бағдарлама әзірлеуді тапсырды
Бұндай тапсырманы Премьер-Министр бүгін Үкімет отырысында жүктеді.
Кадрлық резерв мәселесін Премьер-Министрдің орынбасары Ербол Орынбаев қадағалайтынына тоқталған К. Мәсімов, «Елбасы Астанада, Ақтөбе, Шымкентте, Алматыда әлемдік деңгейдегі кәсіби-техникалық колледждерді құруды тапсырды. Білім және ғылым министрлігі әкімдермен бірлесе 1 айлық мерзімде тиісті ұсыныстар енгізеді»,-деді.
Сонымен қатар Үкімет басшысы «Болашақ» бағдарламасын жүзеге асыру бойынша Білім және ғылым министрлігі 1 айдың ішінде осы тұрғыда тиісті ұсыныстарды Үкіметтің қарауына енгізетінін айтып өтті. «Атап айтқанда, бұл тұрғыда кадрларға деген қажеттілік, кадрлық резервті қалыптастыру, түлектерді еңбекпен қамту мәселелері қамтылуы тиіс»,-деді К. Мәсімов.
Сонымен қатар Үкімет отырысында бір апталық мерзімде зияткерлік мектептер жұмысының тәжірибесін тарату бойынша ұсыныстарды зерделеу жүктелді.