Президент Әкімшілігінде Мемлекет басшысының Жолдауын іске асыру барысы талқыланды

олжас бектенов
Фото: Ақорда баспасөз қызметі

Президент Әкімшілігінің Басшысы Олжас Бектенов Мемлекет басшысының Қазақстан халқына Жолдауын іске асыру барысына арналған кеңес өткізді. ҚазАқпарат бұл туралы Ақордаға сілтеме жасап хабарлайды.

Басқосуға Президенттің көмекшілері мен кеңесшілері, Үкімет басшылығы қатысты.

Ұлттық экономика министрі Әлібек Қуантыров Мемлекет басшысының Жолдауда берген тапсырмаларын орындау үшін Үкіметте атқарылып жатқан жұмыс туралы баяндама жасады.

Президент Әкімшілігі Басшысының айтуынша, Жолдау ел экономикасын қайта құруға және экономикалық серпіліс жасауға бағытталған жүзден астам нақты тапсырманы қамтиды.

«Орталық және жергілікті атқарушы органдар Президент тапсырмаларын орындау үшін барынша жедел әрі толыққанды шаралар қабылдауы қажет. Еліміздің азаматтары мен бизнес өкілдері жуық арада Жолдаудың нақты нәтижесін сезінуі керек» – деп атап өтті Олжас Бектенов.

Соңғы жаңалықтар