14:30, 17 Сәуір 2025 | GMT +5
Президент Астана және Қазақстан митрополиті Александрды I дәрежелі «Достық» орденімен марапаттады
АСТАНА. KAZINFORM – Мемлекет басшысы митрополит пен барша православ қауымын Пасха мерекесімен құттықтады. Бұл туралы Ақорданың баспасөз қызметі хабарлады.
Қасым-Жомарт Тоқаев Православ шіркеуінің дәстүрлі және отбасылық құндылықтарды насихаттауға, жас ұрпақты тәрбиелеу мен еліміздің бай мәдени мұрасын сақтауға елеулі үлес қосып келе жатқанын атап өтті.
Президент митрополит Александрды I дәрежелі «Достық» орденімен марапаттады. Бұл оның Қазақстандағы қызметіне 15 жыл толуына орай, сондай-ақ бейбітшілік пен келісімді нығайтудағы еңбегі үшін беріліп отыр.
Айта кетелік Президент бірқатар мемлекеттің елшісінен сенім грамоталарын қабылдаған еді.
