Президент біреу, қалғандарымыз тіреу - халық жазушысы Шерхан Мұртаза

АЛМАТЫ. 7 ақпан. ҚазАқпарат /Ерлік Ержанұлы/ - Халықтың, елдің жағдайы жылдан-жылға жақсы бола береді, жайнай береді.

Қазақстанның халық жазушысы Шерхан Мұртаза бүгін Елбасының Алматыдағы резиденциясында 2010 жылғы Президенттік және Мемлекеттік стипендия иегерлерін марапаттау рәсмінде осылай айтты.

"Ел айтады: көп сөз - көмір, аз сөз - алтын. Президент - біреу, қалғандарымыз - тіреу. Осындай жақсы заманда біздің жұлдызымыз уақыт өткен сайын, жыл өткен сайын заңғар биіктен жарқырай берсін. Өміріміз сол аспандағы жұлдыздардай көбейіп, молайып зор күшке айнала береді. Тілек сол, барлығымыз тілектес болайық",- деді 2010 жылғы Президент стипендиясының иегері, жазушы Шерхан Мұртаза.