Президент Ибрахим Раиси және онымен бірге келген делегация үшін дұға етеміз – Ильхам Әлиев
АСТАНА. KAZINFORM – Әзербайжан Республикасының Президенті Ильхам Әлиев өзінің X әлеуметтік желісіндегі парақшасында Иран Ислам Республикасының президенті Ибрахим Раиси мінген тікұшақтың Иранға шұғыл қонуына байланысты пікір білдірді. Бұл туралы АЗЕРТАДЖ жазды.
«Бүгін Иран Ислам Республикасының президенті Ибрахим Раисимен қоштасқаннан кейін жоғары мәртебелі делегация мінген тікұшақтың Иранға шұғыл қонғаны туралы хабар бізді қатты алаңдатты. Президент Ибрагим Раиси және онымен бірге келген делегация үшін дұға етеміз. Әзербайжан Республикасы көрші, дос және бауырлас ел ретінде кез келген қолдауды көрсетуге дайын», - деп жазады басылым.
Today, after bidding a friendly farewell to the President of the Islamic Republic of Iran, Ebrahim Raisi, we were profoundly troubled by the news of a helicopter carrying the top delegation crash-landing in Iran. Our prayers to Allah Almighty are with President Ebrahim Raisi and…
— Ilham Aliyev (@presidentaz) May 19, 2024
Еске сала кетейік, Иран президенті мінген тікұшақ Әзербайжанмен шекаралас Верзеган қаласына жақын жерге апатты жағдайда қонды. Кейінірек тікұшақ құлаған жерден видео пайда болды. Адамдар президент Раиси мен оның серіктерінің денсаулығы үшін дұға етіп жатыр.
