Президент Іс басқармасының ұйытқы болуымен тоғызқұмалақтан турнир өтіп жатыр

АСТАНА. KAZINFORM — Елордада ҚР Президентінің Іс басқармасы және оған ведомстволық қарасты ұйымдар қызметкерлері арасында тоғызқұмалақтан турнир өтіп жатыр.

тоғызқұмалақ
Фото: Сайлау Майлыбаев

Турнирдің ресми ашылуы мемлекеттік әнұранды орындаумен басталды. 

тоғызқұмалақ турнирі
Фото: Сайлау Майлыбаев

— Алдымен, келіп жеткен Наурыз мейрамы құтты болсын! Оның үстіне, Наурыз мейрамы қасиетті Рамазан айына сәйкес келіп отыр. Айтылған барлық тілек, дұға қабыл болсын.
Президент Іс басқармасында жақсы дәстүр жалғасын тауып келеді, өткенде шаңғы жарысы өтті, бүгін тоғызқұмалақтан турнир ұйымдастырылып отыр.Өздеріңіз білесіздер, кеше Ұлттық құрылтайда Президент спортты дамытудың маңызына тоқталды. Спорт инфрақұрылымын жетілдіру бағытында қандай жобалар атқарылып жатқанын айтты. Спортты насихаттау, дәріптеу — ұлт саулығының кепілі екеніне назар аударды, — деді ҚР ПІС Бас тәлімгерлері кеңесінің төрағасы Серік Сыдықов ашылу салтанатында.  

Серік Сыдықов
Фото: Сайлау Майлыбаев

Турнирде 14 команда бақ сынайды, әр командада 2 адам бар.

Әділ Сағымбеков
Фото: Сайлау Майлыбаев

— Турнир швейцариялық жүйе бойынша өтеді және бес турдан тұрады, — деді ҚР ПІС бас сарапшысы, турнирді ұйымдастырушы Әділ Сағымбеков.

тоғызқұмалақ турнирі
Фото: Сайлау Майлыбаев

Айта кетсек, Президент Іс басқармасының қызметкерлері арасында әртүрлі спорттан турнирлер тұрақты ұйымдастырылып тұрады. Өткен жылы волейболдан өзара мықтыны анықтады. 

Сондай-ақ қазақ күресінен де турнир өткен болатын

Соңғы жаңалықтар