Президент сайлауы күні елорда автобустарында жол жүру тегін болады

НҰР-СҰЛТАН. ҚазАқпарат - 9 маусымда, Қазақстан Республикасы Президентінің сайлауы күні елорданың қоғамдық көліктерінде жол жүру тегін болады, деп хабарлайды astana.kz.

"Ел жүрегі - Нұр-Сұлтан дауыс береді" акциясы аясында барлық қалалық және экспресс-маршруттарда тегін жол жүру мүмкіндігі қарастырылған. Аталмыш акция қала маңындағы бағдарларға қолданылмайды. Автобустар стандартты қозғалыс кестесі бойынша жүреді. Тұрғындарға ыңғайлы болу үшін Нұр-Сұлтан қаласының әкімдігі күні бойы қоғамдық көліктерде тегін жол жүруді қарастырып отыр.