Президенттің атына жазылған арыз-шағымдардың саны үш жылда 2 есе өсті - Тоқаев

АСТАНА. ҚазАқпарат – Жыл басынан бері Президент Әкімшілігінің қоғамдық қабылдауында 811 адам болды. Бұл туралы елдің әлеуметтік-экономикалық мәселелері жөніндегі кеңейтілген кеңесте Мемлекет басшысы Қасым-Жомарт Тоқаев айтты, деп хабарлайды ҚазАқпарат тілшісі.

«Жаңа жылдан бері Президент Әкімшілігінің қоғамдық қабылдауында 811 адам болды. Соның 730-ын кестеден тыс, яғни табан астында жедел түрде қабылдауға тура келді», - деді Қасым-Жомарт Тоқаев.

Осы орайда Президент олардың арасында барлық аймақтың тұрғындары бар екенін айтты.

«Президенттің атына жазылған арыз-шағымдардың саны үш жылда 2 есе өсті», - деді Мемлекет басшысы.

Бұдан бұрын хабарланғандай, Президент барлық деңгейдегі әкімдердің жұмысын жыл сайын бағалау жүйесін енгізу керек екенін тапсырды.