20:33, 05 Сәуір 2024 | GMT +5
Президенттің Өзбекстанға жұмыс сапары аяқталды
АСТАНА. KAZINFORM - Қазақстан Президентінің Өзбекстанға жұмыс сапары аяқталды, деп хабарлайды Ақорданың баспасөз қызметі.
Мемлекет басшысы Қасым-Жомарт Тоқаевты Үргеніш әуежайынан Өзбекстан Президенті Шавкат Мирзиёев шығарып салды.
Айта кетейік, Қасым-Жомарт Тоқаев Өзбекстан Президенті Шавкат Мирзиёевпен бейресми кездесу өткізді.
Қасым-Жомарт Тоқаев Хиуа қаласына жұмыс сапары барысында Президент Шавкат Мирзиёевпен бірге Өзбекстан жеңіл өнеркәсібіндегі үлгілі кәсіпорындардың бірі саналатын «HIVA GILAMLARI» кілем тоқу фабрикасын аралап көрді.
Қазақстан мен Өзбекстан теміржол саласында өзара бірлескен кәсіпорын құрмақ.
Қасым-Жомарт Тоқаев Хиуа қаласының тарихи орындарын аралады.
