Приморье жағалауларында тағы бір акула ұсталды

АСТАНА. 21 қыркүйек. ҚазАқпарат - Приморьенің Ольгин өзенінде балықшылар ұзындығы екі метрден астатын акуланы торға түсірді, деп хабарлады Би-Би-си.

Тамыздың екінші жартысында Приморьеде жыртқыш акуланың демалушыларға шабуыл жасауының үш оқиғасы болған еді.

Приморьеде жыртқышты ұстау үшін арнайы штаб құрылып, оны іздеумен тоғыз балық кемесі айналысуда.

Бұдан бұрын бірнеше акула ұсталғаны хабарланған болатын. Мамандардың айтуынша, олардың бұл түрі адамға қауіпті емес.

Аймақта суға түсу маусымы 15 қыркүйекте ресми түрде жабылды.