Психологтар ата-аналарға әлеуметтік желіге балаларының суреттерін жарияламауға кеңес береді
АСТАНА. ҚазАқпарат - Ата-аналардың көпшілігі дос-жарандарымен өздерінің отбасылық өмірі жайлы мағлұматтармен бөліскісі келеді. Осы мақсатта олар әлеуметтік желілерге фото, бейне, басқа да ақпараттарды салады.
Мичиган университетінің ғалымдары мұндай әрекеттің пайдасына қарағанда, зияны көп деп санайды. Бұл кейінірек сол ата-аналардың балаларына эмоциялық зардабын тигізуі мүмкін.
Бала өскен соң әлеуметтік желілерді өзі пайдалана бастайды. Әрі, кей ата-аналар кішкентай балаларына арнап өздері парақша ашады. Зерттеушілер әлеуметтік желіге балалардың өмірі жайлы егжей-тегжейлі мәліметтерді орналастырудың қандай жағдайға әкеліп соғатынын анықтап жатыр.
Бір жағынан, ата-аналар бұл тұрғыда әлеуметтік желіні пайдалы деп санайды. Алайда кейбіреулері олар адамға қатысты қауіпсіздік пен құпиялылықты бұзады деп шамалайды, деп хабарлады Meddaily.
