Путин: Кемероводағы өрт салғырттық салдарынан болды
АСТАНА. ҚазАқпарат - Ресей Президенті Владимир Путин Кемероводағы өрттен қаза тапқандардың жақындарына көңіл айтып, өрт мәселесіне байланысты жиналысты бір минут үнсіздікпен бастады, деп хабарлайды ТАСС агенттігі.
Ресей Президенті бұл оқиғаға немқұрайлылық себеп болғанын айтты.
«Бізде не болып жатыр, бұл - соғыс емес, шахтада кенеттен метан жарылып жатқан жоқ. Адамдар демалуға келді, балаларымен. Біз демографияны сөз ете отырып, осыншама адамдардан айырыламыз. Неліктен? Бұл қылмыстық енжарлық пен салғырттық», - деді Путин.
Еске салайық, 25 наурыз күні Ресейдің Кемерово қаласында «Зимняя вишня» сауда үйінде өрт шығып, соңғы деректерге сәйкес 64 адам қаза тапты.
