Путинцева Мароккодағы турнирде жарысын аяқтады

АСТАНА. ҚазАқпарат - Қазақстандық теннисші Путинцева Марокко астанасы  Рабатта өтіп жатқан WTA турнирінің екінші айналым матчында америкалық  Варвара Лепченкодан ұтылып қалды, деп хабарлады «ҚазАқпарат» ХАА.

Бірінші сетте Путинцева қарсыласына бірде-бір мүмкіндік бермей, 6:1 есебімен басым түсті.

Екінші партияда Лепченко алға шығып,  6:4 есебімен жеңіске жетті.

Үшінші сетте  америкалық теннисші ойынды өз пайдасына аяқтады (6:1, 4:6, 1:6).