Qatar Total Open: Юлия Путинцева жарысты жалғастырудан бас тартты
АСТАНА. ҚазАқпарат - Қазақстанның бірінші ракеткасы Юлия Путинцева Доха қаласында өтіп жатқан Qatar Total Open жарысындағы кездесуін жалғастырудан бас тартты, деп жазады Vesti.kz.
WTA сериясының әйелдер арасындағы жекелей сынының екінші кезеңінде қазақстандық теннисші пуэрторикандық Моника Пуигпен күш сынасқан. Алайда Путинцева 2:6, 6:4, 1:2 есебі кезінде кездесуде жалғастырудан бас тартты. Осылайша ол жарыс жолынан шығып қалды. Кездесу 1 сағат 48 минутқа созылды.
Айта кетейік, Юлия Путинцева алғашқы айналымда әлемнің 15-ші ракеткасы Тимея Бачинскимен жолыққан. Бұл кездесуде швейцариялық теннисші 6:1 есебімен ұтылып жатқанда жарысты жалғастырудан бас тартқан.
