QAZAQ AIR Шымкент пен Астана қалаларын байланыстырады
"Бұдан былай Оңтүстік Қазақстан облысы орталығының тұрғындарын аптасына екі рет заманауи Bombardier Q400NextGen ұшақтарымен Астанаға тікелей жеткізетінімізді мәлімдейміз", - делінген компания баспасөз қызметі таратқан ақпаратта.
Шымкенттен сапар шегетін жолаушылар билетті 11 557 теңгеден бастап сатып алып (әуежай алымдарымен қоса есептегенде бір бағыттағы билет құны), Астанаға небәрі 1 сағат 55 минутта жете алады.
«Шырайлы Шымкент қаласының халқы тығыз орналасқан, онымен қоса экономикалық жағынан жоғары дамыған өңірлердің бірі. QAZAQ AIR әуекомпаниясы 2015 жылы құрылып, аталмыш орталықты Алматы, Ақтөбе, Атырау қалаларымен байланыстырып үлгерді. Ал енді Оңтүстік Қазақстан өңірінен Астанаға тікелей баруға болатынын, Шымкент отандық хабтардың біріне айнала бастағанын жеткізгіміз келеді», - деп атап кетті QAZAQ AIR басқарма төрағасы Блэр Поллок.